Քնքշանքի պակասը անբավարարվածության պատճառ

Ըստ գիտական հիմնավորումների սեքսուալ անբավարարության հիմնական աղբյուրը ոչ թե սեռական ակտի անբավարար հաճախականությունը կամ տևողությունն է, այլ քնքշանքի պակասը։ Թվում է, մանրուք է. հետո ի՞նչ, սիրելին քնքուշ բառ չի շշնջացել, չի շոյել ականջի բլթակը կամ չի շոյել ձեռքը, արդյոք դրանից կարո՞ղ են փչանալ սեքսուալ հարաբերությունները։ Պարզվում է, ոչ միայն կարող են, այլև փչանում են։ Իսկ դու ինչ կասես նրան, որ գիտությանը հայտնի են դեպքեր, երբ քնքշանքի պակասը լուրջ հիվանդությունների պատճառ է դառնում։
Փոխվում է մաշկի որակը։

Ընդհանրապես, մաշկն այն է, ինչով մենք զգում ենք քնքշանքը, ամեն կարգի հուզիչ հպումներ, քնքուշ շոյանք և հուզիչ համբույրներ։ Առանց դրա մաշկը կոպտանում ու չորանում է, դրա հետ դառնում է նուրբ ու թավշանման։ Ու սա փոխաբերություն չէ, այլ կյանքի դաժան ճշմարտություն։ Ինչ ես կարծում ինչո՞ւ են քաղաքում ապրողները լողափով պարզապես համակված։ Ոչ միայն արևահարվելու մոդայից։ Եթե մաշկին քնքշանքը պակասում է, ապա մարդն աշխատում է այն փոխհատուցել ավելորդ մաքրասիրությամբ (ավելի շատ լոգանք ընդունելով, քան անհրաժեշտ է հիգիենայի նկատառումներից ելնելով), մերսման սեանսներով կամ նույն այդ արևային լոգանքներով ու լողանալով։

Մաշկը նույնպիսի զգայարան է, ինչպիսին աչքը կամ ականջը։ Ամբողջ մարմնի մակերևույթով մենք ստանում ենք շրջապատող աշխարհի մասին հսկայական տեղեկատվություն օգտակար և ոչ այնքան, որոնցից ամենանհրաժեշտն ու հաճելին այն է, որ մեզ սիրում են։

Հարցեր, պատասխաններ, մեկնաբանություններ